Solidariteit se Studente-aanbod

Solidariteit wil deur die #JongYster erkenning gee aan ’n student wat talent, ywer, passie en toewyding gedurende hul studie toon. ʼn #JongYster is oplossingsgedrewe, staan nie terug vir ʼn uitdaging nie en is gemotiveerd om te leer. Hy of sy neem die voortou in situasies met toewyding, eerbaarheid en ywer.

1. Nomineer ʼn Sol-Tech-ambagstudent vir die #JongYster-kompetisie en gee aan hierdie talentvolle studente die erkenning wat hulle toekom.
2. Jy kan jouself ook vir die toekenning nomineer.
3. Nominasies is gratis.
4. Deelname aan die kompetisie impliseer aanvaarding van alle bepalings, reëls en voorwaardes. Die kompetisie duur vanaf 3 Maart 2025 tot 7 April 2025 wanneer die wenners aangekondig word.
5. Nominasies vind plaas via ʼn elektroniese webtuiste. Kandidate kan hulself nomineer, ʼn medestudent kan hulle nomineer of ʼn lektor kan hulle nomineer.

•  Slegs studente wat reeds hul teorie, generiese sweis en algemene handvaardigheidstoetse voltooi het mag genomineer word.
• – \Slegs studente wat al langer as 10 maande op kampus is en nog nie promoveer nie, mag deelneem.

6. Elke deelnemer moet aan die volle proses deelneem om vir die prys in aanmerking te kom:

• Deelnemers word tussen 3 Maart 2025 en 11 Maart 2025 genomineer.
• Die genomineerde aanvaar sy of haar nominasie tussen 3 en 11 Maart 2025.
• Indien kandidate nie teen sluit van besigheid op 12 Maart kommunikasie vanaf Solidariteit ontvang het nie, moet hulle aanneem dat hulle nie na die volgende rondte van die uitdunne vir die #JongYster 2025 gevorder het nie.
• Kandidate wat deurdring neem deel aan die Ambagresies wat op 15 Maart 2025 plaasvind. Dit is verpligtend vir kandidate om in aanmerking te kom vir die titel van #JongYster. Indien kandidate versuim om aan die Ambagresies deel te neem beteken dit ʼn outomatiese diskwalifisering.
• Onderhoude word op 1 April 2025 gehou. Dit is verpligtend vir kandidate wat kennis ontvang dat hulle hier teenwoordig moet wees.
• Daarna moet kandidate teenwoordig wees by 7 April se aankondiging van die top-3.

7. ʼn Top-20 sal vanuit die nominasies verkies word gebaseer op ʼn gemiddelde punt van hul teorie, handvaardigheid en generiese sweis-uitslae, hul klasdeelname, en punte wat aan hulle toegestaan is by die Ambagresies. Die diskresie om ʼn top-20 te verkies berus uitsluitlik op Solidariteit se gesonde oordeel.

1. Punteskale is beskikbaar slegs op aanvraag. Die finale beslissing rakende punte berus egter op die diskresie van Solidariteit en Sol-Tech en is nie onderhandelbaar of onderhewig aan verandering nie.

• Die wenners sal op al Solidariteit se sosialemediaplatforms bekend gemaak word sowel as op 7 April tydens Sol-Tech se Maandag-opening.
• Geen pryse kan oorgedra, omgeruil of uitgeruil word nie.
• Die wenners stem in om hulle samewerking te gee en aan al die organisasie se openbare of mediageleenthede wat met die kompetisie verband hou, deel te neem. Hulle stem ook in dat hul besonderhede op die organisasie se webwerwe mag verskyn en dat hulle die dienste sonder enige betaling sal adverteer en bevorder.
• Alle inskrywings word die eiendom van Solidariteit en sal in ’n databasis opgeneem word, maar die inligting sal vertroulik hanteer word en slegs vir Solidariteit se eie gebruik wees.
• Deelname aan hierdie kompetisie veronderstel toestemming om deur Solidariteit gekontak te word.
• Alle deelnemers vrywaar die Solidariteit Beweging, sowel as die borge en agentskappe wat by hierdie promosie betrokke is, van enige skade en/of koste voortspruitend uit eise wat die deelnemer mag hê of opdoen deur deelname aan die kompetisie en/of die benutting van die prys.
• Solidariteit en sy vennote is nie aanspreeklik vir enige tegniese fout wat daartoe kan lei dat ʼn inskrywing nie suksesvol ingedien word nie. Solidariteit aanvaar geen verantwoordelikheid vir inskrywings wat onafgelewer is, verlore raak of vertraag word nie. Bewys van stuur is nie bewys van ontvangs nie. ʼn Inskrywer/nominant moet self ontvangs van sy of haar inskrywing bevestig.