Kennis en klets 2024

Maryna Stevenson is ʼn etiket- en persoonlike-ontwikkelingskonsultant. Sy is die stigter van Maryna Stevenson Personal Development wat individue bemagtig om hulle volle potensiaal te ontgin danksy prestasie-afrigting wat hulle van goed na uitsonderlik omskep.

Maryna het die voorreg om met individue, korporatiewe organisasies en met primêre, sekondêre en tersiêre instellings te werk. Dit is Maryna se doel om enige persoon wat wil uitblink en hom/haarself wil onderskei, te bemagtig om tot ʼn meer suksesvolle, selfversekerde en goed toegeruste mens te ontwikkel om die heel beste weergawe van hulself te word en die beste in die lewe te bereik.

“Daar is meer aan ʼn persoon as opvoeding, agtergrond en die keuse van uitrusting. ‘Goeie maniere maak deure oop wat die beste onderwys nie kan oopmaak nie.’ Styl en houding kan nie gekoop of geleen word nie. Ons is almal uniek en ons skuld hierdie wêreld ons egtheid. Ons moet ons eie persoonlike X-faktor ontdek en ons stempel op ons eie spesiale manier afdruk. Dit is wat ons sal laat uitstaan, hoe ons onsself na ʼn hoër rat sal laat oorskakel en van ons die voorkeurkeuse sal maak wanneer ons vir ‘n pos aansoek doen.”