#MassaKlagToer - Solidariteit Veldtogte

Kom toer saam met ons.
15 Dae;
7 Mosies by
7 Europese parlemente;
2 Brandende kwessies;
1 Europese toer
#MASSAKLAGTOER

Solidariteit het vanjaar Suid-Afrika se rasmalheid ŉ vuishou toegedien. NÓÚ KOM DIE UITKLOPHOU!

Die grense is oop en ons gaan VN toe om ons storie vir die wêreld te vertel. Ons massaklag is 300 000 stemme sterk. Maak ons nog sterker!

Onderteken die mosie!

Laai die massaklag af. Klik hier.

28 Julie is geskiedkundig! Dit is die dag waarop ons namens meer as 300 000, Suid-Afrikaners ŉ formele klag teen die regering van Suid-Afrika se rassebeleid aanlyn by die Verenigde Nasies (VN) se Komitee vir die Uitskakeling van Rassediskriminasie (CERD) ingedien het.

Nou vat ons dit verder! Ons vlieg Genève toe waar ons dié historiese klag fisies gaan indien en ons eerste gesprek met die komitee gaan voer. Dit is egter die vertrekpunt van ons groter internasionale veldtog teen rasmalheid en belastingprotes.

Kom toer saam met ons!

Ontmoet die
TOERSPAN

Dr. Dirk Hermann

Jaco Kleynhans

Anton Van der Bijl

Ondersteun die massaklag

MASSAKLAGTOER SPAN

Dirk Hermann is die Bestuurshoof van Solidariteit en van die Solidariteit Beweging. Hy is die skrywer van verskeie boeke, waaronder twee wat oor regstellende aksie handel. Sy doktorsgraad het dan ook oor regstellende aksie gehandel en sy stryd teen die regering se rassebeleid kom al ŉ lang pad.
Lees meer hier

Jaco Kleynhans is die Hoof van Internasionale Skakeling vir die Solidariteit Beweging. Hy is verantwoordelik vir die bevordering van die Beweging se internasionale skakelstrategie deur met filiale van die Beweging saam te werk om ŉ breë netwerk van kontakte en ondersteuners in soveel as moontlik lande te ontwikkel.
Lees meer hier

Anton Van der Bijl is die Hoof van Regsdienste by Solidariteit. Anton, saam met sy regspan het dié wêreldklasklag saamgestel. Anton was vir die afgelope paar jaar daarvoor verantwoordelik dat Solidariteit al die internasionale asook plaaslike prosesse volg sodat die klag aan CERD se vereistes voldoen.
Lees meer hier

Toer saam met ons

ONTMOET DIE
SPAN

Ondersteun die massaklag

VRYDAG, 24 SEPTEMBER

Vertrek vanaf Johannesburg na Frankfurt, Duitsland

Ondersteun die massaklag

MAANDAG, 27 SEPTEMBER

Duitse parlement (Berlyn):

Brandpunte op ons agenda is eiendomsreg, belasting, handel, ekonomiese uitdagings, ens.

Indien die Maatskaplike Sekerheidsfonds soos in die groenskrif vervat en die NGV gelyktydig geïmplementeer word, sal 3 uit elke 4 Afrikaners (75,2%) ŉ verdriedubbeling in inkomstebelasting ervaar.

Terug Volgende

Ondersteun die massaklag

DINSDAG, 28 SEPTEMBER

Oostenrykse parlement (Wene):

Hier pak ons kwessies insluitend eiendomsreg, belasting, handel en ekonomiese uitdagings aan.

Tans dra die Suid-Afrikaanse publiek die tweede grootste belastinglas ter wêreld, met slegs Swede wat meer belasting betaal wanneer belastinglas as deel van BBP bereken word. Een groot verskil tussen ons en Swede is dat hul werkloosheidsyfer tans ongeveer 8% is, terwyl ons s’n omtrent 43%, die hoogste ter wêreld, is.

Terug Volgende

Ondersteun die massaklag

DONDERDAG, 30 SEPTEMBER

Hongaarse parlement (Boedapest):

Ons besoek die Hongaarse parlement om hulle te versoek om standpunt in te neem teen die rassewette in Suid-Afrika.

Suid-Afrika het die mees rasgereguleerde land ter wêreld geword. Die regering dink ras is die hoogste gesag in die land. Ras troef selfs die reg. Suid-Afrika word as ŉ rassestaat hanteer en die Grondwet is skynbaar daar om dit te ondersteun. Ongelykheid word as gelykheid aangebied, rassigheid word as nierassigheid aangebied, eksklusiwiteit word as inklusiwiteit aangebied en rasseoorheersing word as verteenwoordigendheid aangebied.

Terug Volgende

Ondersteun die massaklag

SATERDAG, 2 OKTOBER

Funksie in Brugge vir die oorhandiging van skenking aan die Beweging.

Ook ontmoetings met ondersteuners in Gent, Brugge en Antwerpen.

Terug Volgende

Ondersteun die massaklag

MAANDAG, 4 OKTOBER

Indiening van die massaklag

Dit is die eerste keer wat die Suid-Afrikaanse regering formeel by die VN oor rassediskriminasie aangekla word. Dié historiese klag is die grootste internasionale massaklag van sy soort en word deur meer as 300 000 Suid-Afrikaners gesteun!

Die Suid-Afrikaanse regering het die Internasionale Konvensie oor die Uitskakeling van Alle Vorme van Rassediskriminasie (ICERD) bekragtig. Dit beteken dat plaaslike wetgewing by die konvensie aangepas moet word.

Die huidige klag volg ná ŉ lang stryd wat Solidariteit al sedert 2016 by die VN oor die Suid-Afrikaanse regering se rassebeleid voer.

Solidariteit het in 2016 voor CERD verskyn na aanleiding van ŉ skaduverslag wat Solidariteit by dié komitee ingedien het. ŉ Skaduverslag is ŉ kommentaar op die regering se gereelde amptelike verslag wat by die komitee ingedien moet word. CERD het daarna ŉ aanbeveling gemaak waarin kritiek op die regering se apartheidsrasseklassifikasie uitgespreek word. Die Suid-Afrikaanse Menseregtekommissie (SAMRK) het daarna ŉ gelykheidsverslag gepubliseer en gesê die regering moet die Wet op Gelyke Indiensneming wysig om in ooreenstemming met die internasionale konvensie te wees. Die regering het egter geweier om die aanbevelings te implementeer.

Indien Solidariteit se klag slaag, sal dit die aangesig van die regering se rassebeleid vir altyd verander.

Terug Volgende

Ondersteun die massaklag

DINSDAG, 5 OKTOBER

Europese parlement, Straatsburg, Frankryk

Ons moet hier steeds breë inligting gee. maar veral die nuutste oor grondonteiening sonder vergoeding en steeds vra vir ŉ mosie daarteen.

Vertrek daarna na Genève in Switserland.

Terug Volgende

Ondersteun die massaklag

WOENSDAG, 6 OKTOBER

Verenigde Nasies en Internasionale Arbeidsorganisasie (ILO)

Solidariteit staan aan die voorpunt van die protes teen rasmalheid. Ons gaan nie die protes laat vaar nie

Die Suid-Afrikaanse Menseregtekommissie (SAMRK) het in 2018 ŉ verslag uitgebring waarin gesê is dat die regering die land se regstellendeaksiewetgewing moet aanpas om aan die VN se aanbevelings te voldoen, spesifiek wat rasseklassifikasie en ŉ meer genuanseerde benadering ten opsigte van regstellende aksie betref.

Die regering het nie aan die aanbevelings van óf die Verenigde Nasies, óf die SAMRK voldoen nie.

Terug Volgende

Ondersteun die massaklag

DONDERDAG, 7 OKTOBER

Nederlandse parlement (Den Haag)

Hierdie parlement het reeds ŉ mosie teen grondonteiening aanvaar. Ons moet hier fokus op die totale verval in Suid-Afrika en die posisie van Afrikaners en ander minderhede.

Ras, ras oral ras, ras net waar jy kyk, sien en hoor. As ŉ laerskooldogter vir ŉ netbalspan gekies moet word, is dit ras. As ŉ matrikulant aansoek doen vir universiteitstoelating, is dit ras. As aansoek gedoen word vir studiefondse, is dit ras.

Vir ŉ werkaansoek gaan dit oor, ras. Vir bevordering, ras. As jy dan eerder ŉ eie onderneming wil begin, is dit steeds ras. As jy iemand dissiplinêr moet aankla, word jy die rassis. As ŉ minister droogmaak, speel hy/sy die raskaart. As hulp in ŉ pandemie gegee word, is dit op grond van ras. Ras, ras, ras. Suid-Afrika het rasmal geword. Ons het 500 000 stemme teen rasmalheid gekry.

Terug Volgende

Ondersteun die massaklag

Vir Wie

Hoe ondersteun ons jou

Wat doen ons vir die gemeenskap

Veldtogte

Staatsinstellings

Rasmalheid

Belastingvermorsing

Onderwys

Aanbod

Beroepsnetwerke

Oor ons

Ons glo in